Hemp ဆိုတဲ့ ငွေသစ်ပင် နဲ့တောင်သူများအတွက် မင်္ဂလာသတင်း

       Hemp ဆိုတဲ့ အပင်ဟာ Cannabis (ဆေးခြောက်ပင်) အနွယ်ဝင် ဖြစ်ပါတယ် ။ ကမ္ဘာ့ကျန်းမာရေး အဖွဲ့က မူးယစ်စေတဲ့ အာနိသင် (THC) 0.5 % ပါရင် မူးယစ်ဆေး အဖြစ် သတ်မှတ်ပါတယ် ။ Hemp ကတော့ (THC) 0.3 % အောက်သာ ပါဝင်လို့ ယစ်မူးစေတဲ့ အာနိသင် မရှိပါဖူး ။ 

         သူ့ရဲ့ အရိုး ၊ အရွက် နဲ့ အစေ့တွေဟာ အင်မတန် တန်ဖိုးကြီး အသုံးဝင်ပါတယ် ။ အရိုးထဲမှာ fiber 80 % ပါဝင်လို့ လျှော်ပင် ဝါပင်တွေထက် ပိုကောင်းပါတယ် ။ သဘာဝကရတဲ့ အခိုင်ဆုံး အမျှင်ဖြစ်ပါတယ် ။ အမျှင်တွေကနေ...

ချည်မျှင်နှင့်အထည်များ

- အဝတ်အထည်

- လက်ဆွဲအိပ်များ

- ကလေးသေးခံဝတ်များ

- ဖိနပ်များ

- ရက်ထည်အချောစား

- ဂျင်းထည်များ

စက္ကူအသုံးအဆောင်များ

- ပုံနှိပ်စက္ကူ

- သတင်းစာစက္ကူ

- ကတ်ထူစက်ကူ

- ပါကင်ထုတ်စက္ကူ

စက်မှုလုပ်ငန်းသုံး ချည်မျှင်နှင့်အထည်များ

- ကြိုး

- ကင်းဗတ်စ

- ကော်ဇော

        အစရှိတဲ့ အဆင့်မြင့်လူသုံးကုန်တွေ ထုတ်ကြပါတယ် ။ နည်းပေါင်း ၅၀၀၀ဝ ကျော် သုံးစွဲနေပါတယ် ။ 

        Hemp ရဲ့ အစေ့ကနေ ဆီ နှစ်မျိုး ရနိုင်ပါတယ် ။ အဟာရဆီ (Hemp Oil) နဲ့  ဆေးဖက်ဝင်ဆီ (CBD Oil) ဆိုပြီး ရပါတယ် ။

         အဟာရဆီကတော့ ပရိုတင်း 50 % မှ 80 % ပါဝင်ပြီး Essential acid ၊ Fatte acid နဲ့ အခြား Vitamin တွေပါရှိပါတယ် ။ အဟာရအဆင့် Omega 3-6 ပါဝင်လို့ အဟာရပါဝင်မှု အလွန်မြင့်မားပါတယ် ။ 

        ဆေးဖက်ဝင်ဆီ (CBD ) ကတော့ အီသနော ၊ အရက်ပျံတို့နဲ့ ချက်ယူရပါတယ် ။ CBD ပါဝင်တဲ့ အဖူး ကတော့ တဧကမှ ကီလို ၂၀ သာ ရနိုင်ပါတယ် ။ ဦးဏှောက်ကင်ဆာ ၊ လည်ချောင်း ၊ အဆုတ် ၊ အစာအိမ် ၊ အူ ၊ အစရှိတဲ့ အရာတွေ နဲ့ ပတ်သက်တဲ့ ရောဂါတွေအတွက် အသုံးပြု ကုသနိုင်ပါတယ် ။  

        ဆီနှစ်မျိုးလုံးမှာ THC (မူးယစ်စေတဲ့ အာနိသင်) ပါဝင်ခြင်း မရှိပါဘူး ။

        ဘယ်လိုစိုက်ကြသလဲ ဆိုတော့ နေရာဒေသ မရွေး စိုက်ပျိုးနိုင်ပါတယ် ။ စိုက်ပျိုးချိန် ၃ / ၄ လ ကြာပါတယ် ။ တနှစ်ကို နှစ်ကြိမ် ( အစေ့ တကြိမ် ၊ လျှော် တကြိမ်) စိုက်ပျိုးနိုင်ပါတယ် ။ 

      ဇွန် ဇူလိုင် သြဂုတ် လတွေမှာ လျှော်အတွက် စိုက်ရင် တဧကကို လျှော်မျှင် အခြောက် ၃ တန် နဲ့ ၆ တန် ကြား ထွက်ပါမယ် ။ သာမန်လျှော်ရဲ့ လေးဆများပါတယ် ။

         အောက်တိုဘာ  နိုဝင်ဘာ ဒီဇင်ဘာ မှာ အစေ့တွက် စိုက်နိုင်ပါတယ် ။ တဧက အစေ့ ၃ တန် ရနိုင်ပါတယ် ။ အဆီကြိတ်ရင် ဂါလံ ၃၀၀ ရပါမယ် ။  

          ထူးခြားချက်က Hemp စိုက်ခင်းအတွက် ရေမလို ၊ မြေသြဇာမလို ၊ ပိုးသတ်ဆေးမလို ၊ အားဆေးမလို ကုန်ကုန်ပြောရရင် မြေအမျိုးအစား ကောင်းဖို့တောင် မလိုတဲ့ အပင်မျိုး ဖြစ်ပါတယ် ။ 

       တရုတ် ၊ ရုရှား ၊ အမေရိကန် ၊ ကနေဒါ နဲ့ ဥရောပနိုင်ငံများ ၊ ထိုင်း ၊ အစရှိတဲ့ နိုင်ငံ ၅၇ ခုမှာ စီးပွားဖြစ် တရားဝင် စိုက်ပျိုးနေကြပါတယ် ။ 

      တရုတ်က မြန်မာပြည်လာပြီး ဖရဲ ၊ တစ်ရှူးငှက်ပျော စိုက်နေကာ သူ့​မြေကိုတော့ Hemp တွေပဲ စိုက်ပါတယ် ။ ကမ္ဘာ့အထွက် 50 % ဟာ တရုတ်က ထွက်နေတာပါ ။ 

         မျိုးစေ့နဲ့ မြေရှိရုံနဲ့ စိုက်လို့ရတဲ့ အတွက် အကျိုးအမြတ် များလှတဲ့ သီးနှံဖြစ်ပါတယ် ။ 

       CO2 ကို သာမန် အပင်ထက် ၄ ဆ ပိုစုတ်နိုင်တယ် ။ အောက်စီဂျင် 20 % ပိုထုတ်ပေးနိုင်တယ် ။ ချာနိုဗိုင်း နဲ့ ဟီရိုရှီးမားလို အနုမြူရောင်ခြည်သင့်ဒေသတွေမှာ Hemp တွေ စိုက်ပြီး ကုစားခဲ့ကြရတယ် ။ 

       Hemp ဆိုတဲ့ စီးပွားရေး လျှော်ပင်ဟာ ကျနော်တို့လို မြေပေါပြီး ဆင်းရဲတဲ့ နိုင်ငံတွေ အတွက် အလွန်သင့်တော်ပါတယ် ။ ဆင်းရဲနေတဲ့ တောင်သူတွေကို အရင်းနဲနဲ နဲ့  နတ်ပြည်ပို့ပေးမယ့် သီးနှံပဲ ဖြစ်ပါတယ် ။ 

      ဆေးခြောက်အနွယ် ဆိုတာ နဲ့ တခါတည်း မူးယစ်စာရင်းထဲ ထည့်ပြီး ပိတ်ပင်ထားတဲ့ အတွက် အင်မတန် နစ်နာခဲ့​ပါတယ် ။ 

      မူးယစ် သတ်မှတ်ချက် THC 0.5 % မပြည့်ပဲ THC 0.3 % အောက်ပဲ ရှိတာကို ခွဲခြား လေ့လာသင့်ပါပြီ ။ 

      တရုတ် ရုရှား အမေရိကန်တို့တောင် အကြီးအကျယ် စိုက်နေတာကို မြန်မာက ရူးကြောင်ကြောင်နဲ့ အရွက်သဏ္ဍန် တူတာကြည့်ပြီး မူးယစ်ဥပဒေ နဲ့ ပိတ်ပင်နေတာ ပြန်လည် စီစစ်သင့်ပါပြီ ။ 

      ငန်းဇွန်မြို့နယ်ထဲက ဆေးခြောက် စိုက်ခင်းဆိုပြီး ဖမ်းဆီးထောင်ချခံခဲ့ရတဲ့ အပင်တွေဟာ Cannabis (ဆေးခြောက်) မဟုတ်ပါဖူး သူ့အနွယ် Hemp ဖြစ်ပါတယ် ။ 

      မြန်မာ ပညာရှိများရဲ့ လေ့လာမှု အားကောင်းလွန်းတော့ Cannabis နဲ့  Hemp အတူတူပဲ ဆိုပြီး တရားစွဲ ထောင်ချပစ်တာပါပဲ ။ တော်သေးတယ် ဆေးခြောက်နဲ့ ခပ်ဆင်ဆင် ချဥ်ပေါင်ပင်ခင်းတွေ မဖမ်းကြလို့ ။ 

         ဒါတွေကတော့ မြန်မာ့စိုက်ပျိုးရေး လောကကို နဲနဲ နဲ့ ကျဲကျဲ ဝိုင်းပြီး ဆင်းရဲနေတဲ့ တောင်သူတွေကို ချမ်းသာလာစေမယ့် စီးပွားဖြစ် Hemp အကြောင်းပါ ပဲ ။ 

      မိတ်ဆွေကြီး ဂဠုန်ဧချို ထံမှ သိရှိခဲ့ရသော Hemp အကြောင်း ပို့စ် ပေါင်းများစွာ ထဲကနေ အနှစ်ချုပ် ထုတ်နှုတ် တင်ပြလိုက်ရခြင်း ဖြစ်ပါတယ် ။ များပြားလှတဲ့ အချက်အလက်တွေထဲက တည်းဖြတ် တင်ပြလိုက်ရတဲ့အတွက် လိုအပ်ချက် ရှိခဲ့ပါက ကျနော် ညံ့ဖျင်းလို့သာ ဖြစ်ပါတယ် ။ 

            ယခင်တခါ တင်ဖူးပါတယ် ။ ယခုအခါ မြေဆီစျေး ၊ ပိုးသတ်စျေး ၊ မျိုးစေ့စျေး ၊ ဓာတ်ဆီစျေး ရှိသမျှစျေး အကုန်တက်နေသဖြင့် တောင်သူများ စိုက်ပျိုးစရိတ် မတတ်နိုင်တော့ပါဘူး ။ 

         စီးပွားကူးသန်း ဝန်ကြီးအနေနဲ့ လက်တွေ့မပါတဲ့ မူဝါဒတွေ နဲ့ အစည်းအဝေးတွေမှာ တပ်ချုပ်ကြီးကို တင်ပြနေတာ အလုပ်မဖြစ်ပါ ။ 

        စိုက်ပျိုးရေးဌာန နဲ့ လယ်ယာနဲ့ဆည်မြောင်း ဝန်ကြီးတို့ကလည်း လက်တွေ့ အကျိုးရှိမယ့် လုပ်ဆောင်ချက်တွေကို ဆောင်ရွက်ခြင်း မရှိပဲ ဝေလေလေ စီမံကိန်းတွေနဲ့ တပ်ချုပ်ကြီးထံ တင်ပြ ချွေးသိပ်နေကြပါတယ် ။ 

       တောင်သူတွေ တကယ် ငတ်နေကြပါပြီ ။ တောစိုမှ မြို့ OK မှာပါ ။ အချိန်တိုအတွင်း စီးပွားဖြစ်နိုင်သော ယခု ဖော်ပြပါ Hemp (ဆေးခြောက် မဟုတ်သော) ကို အမြန်ဆုံး တရားဝင် စိုက်ပျိုးခွင့် ပြုသင့်ပါပြီ ။ 

      တရုတ်လို နိုင်ငံမှာ သူ့ဧရိယာ ထက်ဝက်ကျော် Hemp စိုက်ပျိုး စီးပွားရှာနေပြီး မှ မြန်မာပြည်မှာ တစ်ရှူးငှက်ပျောလာစိုက်နေတာ ဖြစ်ပါတယ် ။ ဘာကြောင့်ဆိုတာ လမ်းဘေးက သူတောင်းစားတောင် စဥ်းစားတတ်ပါတယ် ။ မြန်မာ အစိုးရ မစဥ်းစားတတ်ပဲ တွေစေနေတာ မောဟအလွန်များနေတဲ့ လက္ခဏာပါပဲ ။ 

     တောင်သူတွေအတွက်

- မြေသြဇာ မလိုသော 

- ပိုးသတ်ဆေး မလိုသော

- အပင်အားဆေး မလိုသော

- မြေအမျိူးအစား မလိုသော

- ရာသီဥတု ကောင်း / ဆိုး မလိုသော

- အထူးအားဖြင့် စျေးကွက်ရှာရန် မလိုသော 

       အစစ အားသာချက်များဖြင့် ပြီးပြည့်စုံလှသော Hemp အမျိုးအစား စက်မှုသုံးအပင်အား စိုက်ပျိုးခွင့် ပိတ်ပင်ထားသည့် ရူးကြောင်ကြောင် မူဝါဒအား အမြန်ဆုံး ပယ်ဖျက်၍ တောင်သူများ အကျိုးအတွက် ခွင့်ပြုနိုင်ပါရန် ထပ်မံ တင်ပြလိုက်ရပါတယ် ခင်ဗျား ။

       ကိုရွှေမျိုးဝင်း

(အသေးစိတ် လေ့လာလိုသူများ link များတွင် ကြည့်ရှုနိုင်ပါတယ်)

https://www.researchandmarkets.com/r/tapuxf

https://frontiermyanmar.net/en/chinese-companies-hope-to-cash-in-on-cannabis

https://m.facebook.com/story.php?story_fbid=542165076314725&id=535884683609431

https://meetharmony.com/2016/11/29/hemp-oil-vs-cbd-oil-need-clarity

https://www.wildhemp.com

 *************************

         ဒီ ပို့စ်ကို 8-9-2021 မှာ တင်ခဲ့ဖူးပါတယ် ။ ကြားထဲမှာ ဝန်ကြီးဌာနမှ  ဂျပန် နဲ့ ပူးတွဲကာ စမ်းသပ် သုတေသန လုပ်နေကြောင်း Hemp မှ Hope ဆိုပြီး ထပ်တင်ခဲ့ဖူးပါတယ် ။  

          ယခု နိုင်ငံတော်မှ တောင်သူများအား စိုက်ပျိုးခွင့်ပေးတော့မယ်လို့ သတင်းကြားလာရပါပြီ ။ စိုက်ပျိုးစရိတ် ကြီးမြင့်နေတဲ့ ကျနော်တို့ တောင်သူတွေအတွက်တော့ ဆေးမလို ၊ မြေသြဇာမလို ၊ ရေဝပ်မြေကလွဲရင် မြေအမျိုးအစား မရွေး စိုက်ပျိုးဖြစ်ထွန်းနိုင်တဲ့ Hemp ဆိုတဲ့ ငွေသစ်ပင် စိုက်ခွင့်ရပါတော့မယ် ။ 

          အစိုးရမှ သတ်မှတ်ထားသော စည်းကမ်းများ ဥပဒေများနဲ့ အညီ စိုက်ပျိုးကြပါက တကယ်ကို အကျိုးများမယ့် ငွေသစ်ပင်မို့ ရလာမယ့်အခွင့်အရေးကို စည်းစနစ်ကျကျ အရအမိ ယူနိုင်ကြပါစေဗျာ ။

           ကိုရွှေမျိုးဝင်း