တပ်မတော် နဲ့ ထောက်ခံသူတွေကြား သွေးထိုးပြီး ဖြိုခွဲဖို့ကြိုးစားနေတာ နီပိတ်တွေရဲ့ တသက်လုံးက လုပ်လာခဲ့ကြတဲ့ ရိုးရာသမားစဥ် အလုပ်မို့ မဆန်းပြားလှပါဘူး ။
ထူးဆန်းတာက သွေးခွဲနေတဲ့ထဲမှာ မသိသလို သိသလို နဲ့ တမင်ကောက်ကျစ်စွာ ဆောင်ရွက်နေတဲ့ ဘောပိတ်တွေရဲ့ အပြုအမူကို တွေ့နေရတာပါပဲ ။
တဖက်ကကြည့်ရင်တော့ နစကကြီးကို လိုလေသေးမရှိ ထောက်ခံနေတယ်ပေါ့ ၊ ဗိုလ်ချုပ်မှူးကြီးကို အသက်တမျှ ကြည်ညိုလေးစားသမှု ရှိနေပါတယ်ပေါ့လေ ။
ဒီလိုမျိုး ဂိုက်ပေါက်တွေနဲ့ တပ်မတော်ထောက်ခံသူခြင်းအတူတူ နစကအပေါ် ဝေဖန်သူတွေကို အထက်စီးကနေ မင်းတို့ဘာသိလိူ့လဲ ၊ မင်းတို့ထက်တတ်လို့ အုပ်ချုပ်နေတာ ၊ အကြံပေးတွေလောက်မင်းတို့သိကြလို့လား ၊ တပ်မတော်ကို အထက်အောက် သွေးမခွဲနဲ့ ဆိုတဲ့ လေသံတွေနဲ့ ပြောလာကြပါတယ် ။
ဒီထက်ဆိုးတာက နစက နဲ့ မူဝါဒတွေကို ထောက်ပြဝေဖန်နေတာကိုပဲ ပူးသတ်တွေလို့ တံဆိပ်ကပ်ပြီး ဖမ်းဆီးအရေးယူဖို့ထိ နစကကို တောင်းဆိုတိုက်တွန်းလာကြတာပါပဲ ။
နစက ဘာလုပ်လုပ် မှန်တယ်ဆိုတဲ့ ဘောပိတ်တွေရဲ့ ငါ့စကားနွားရ ဖင်ပိတ်အပြောတွေကြောင့် အချို့ဆို စိတ်ပျက်တဲ့ အဆင့်ကနေ စိတ်ကုန်တဲ့အဆင့်ရောက်သွားပါတယ် ။
နစကအပေါ် ရလာဒ်များကို ကြည့်ပြီး ဝေဖန်ထောက်ပြနေကြတာက တပ်မတော်ကို ချစ်ခင်လေးစားကြလို့ပါပဲ ။ ပြည်သူတွေရဲ့ အတိဒုက္ခတွေကို ချပြနေကြတာ နစကကြားသိကူညီနိုင်အောင်ပါပဲ ။
ဒီလိုနဲ့ကြားသိကူညီခဲ့ကြတာလည်း ကိစ္စရပ်အတော်များများ ရှိခဲ့ကြတာ အားလုံးအသိပါပဲ ။ ဒီလိုသိသွားလို့လည်း နစကလူကြီးတွေ သိရင် ဖြေရှင်းပေးတယ် ၊ ကူညီပေးတယ်ဆိုတဲ့ မက်ဆေ့ အမြောက်အများကြောင့်သာ တပ်မတော်အပေါ် အားမလိုအားမရဖြစ်ပေမယ့် ဘယ်သူမှ ကျောခိုင်းဖို့ စိတ်မကူးကြတာ ဖြစ်ပါတယ် ။ တဖက်ကို ကူးဖို့ဆိုတာ အဝေးကြီးပါပဲ ။
နစက အနေနဲ့လည်း ဝေဖန်မှုတွေအပေါ် ကြည်း/သု ကတဆင့် အဆက်မပျက် လေ့လာ ခွဲခြမ်း စိတ်ဖြာပြီး သုံးသပ်တင်ပြကြရပါတယ် ။ တပ်မတော်ထောက်ခံသူတွေ ဝေဖန်နေကြတာ....
- အကြမ်းဖက် PDF ကို အပြတ်ရှင်းဖို့
- NCA လက်မခံတဲ့ EAOs တွေကို အပြတ်ရှင်းဖို့
- သစ္စာမဲ့ CDM တွေကို အပြတ်ရှင်းဖို့
- သစ္စာမဲ့ ဖရဲသီးတွေကို အပြတ်ရှင်းဖို့
- ကုန်စည်စျေးနှုံးများ ဖြစ်သင့်ဖြစ်ထိုက်တဲ့စျေးနှုံးဖြစ်စေဖို့
- လျှပ်စစ်မီးလိုအပ်ချက် ဖြည့်ဆီးပေးဖို့
- နိုင်ငံတကာဖိအားကို အလွန်အကျွံအစော်ကားမခံဖို့
- ခဲရာခဲဆစ်ဖမ်းထားရတဲ့ ပြည်ဖျက်အကြမ်းဖက်တွေကို အလွယ်တကူ ပြန်မလွှတ်ပေးဖို့
- ရှေ့တန်းစခန်းတွေ အလစ်အငိုက်မတိုက်ရဲအောင် ဌာချုပ်တွေထိ ချေမှုံးပြဖို့
ဒါတွေ တောင်းဆိုပြီး ရေးသားနေကြတာ တိုင်းပြည်သစ္စာဖောက်နေကြတာလား..?
တပ်မတော်ဖြိုခွဲရေး တလုံးတပါဒ တွေ့မိကြသလား....?
ကိုယ်တိုင်နစ်နာခဲ့ကြ ဘဝပျက်ကြရတဲ့ စိတ်ဓာတ်ပြင်းထန်သူအချို့ရဲ့ အဓိက တာဝန်ရှိသူ တပ်ချုပ်ကြီးအပေါ် ဝေဖန်နေတာကလည်း တပ်မတော်ဖြိုခွဲနေတာ မဟုတ်ဘူး ။ တာဝန်ကို သိအောင်နှိုးဆော်နေကြခြင်းသာ ဖြစ်ပါတယ် ။
နစက လုပ်ခဲ့သမျှ အားလုံးမှန်တယ်ထင်နေကြရင်ဖြင့် ဝန်ကြီးတွေ ဘာကြောင့် လဲနေကြပါသလဲ.... ?
ရလာဒ်ကောင်းတွေ အချိန်ကြာတဲ့အထိ ဘာကြောင့် မရကြသေးတာလဲ...?
ဖမ်းမိပြီး ပြန်လွတ်တဲ့ ဇင်မာအောင် ဘယ်လောက်မွှေနိုင်နေသလဲ ကြည့်ပါ ။
အမှားနဲ့မကင်းတာ နားလည်ပါတယ် ကောင်းမယ်ထင်လို့ ဆုံးဖြတ်ခဲ့ကြတာကိုး ။
ယခုဆိုရင် အကြမ်းဖက် PDF တွေကို ပြတ်ပြတ်သားသား တိုက်ခိုက်နေတဲ့ မြေပြင်သတင်းတွေရနေပါတယ် ။ EAOs နဲ့ ပတ်သက်တဲ့ ထူးခြားသတင်းတွေလည်း ကြားရဖွယ်ရှိနေပါတယ် ။
ဒီလိုတွေ လုပ်စေချင်လို့ ဝေဖန်တိုက်တွန်းနေကြတာ ကြာပြီဖြစ်ပါတယ် ။ တခါတရံ အစိုးရအတွက် ပြည်သူ့တောင်းဆိုမှုဆိုတာ လိူအပ်ပါတယ် ။ ဒါမှသာ လုပ်သာကိုင်သာရှိတဲ့ နိုင်ငံရေးကစားကွက် ဖော်ဆောင်လို့ ကောင်းတာတွေ နားလည်ကြရပါ့မယ် ။
နေရာတကာ အစိုးရ လုပ်သမျှမှန်တယ်ပြောပြီး ၊ မှားတာတွေကို အချက်အလက်နဲ့ ထောက်ပြဝေဖန်နေသူတွေကို အကြံပေးပညာရှင်တွေနဲ့ရန်တိုက် ၊ အစိုးရနဲ့ရန်တိုက်ပြီး တပ်မတော်ထောက်ခံသူခြင်း အတူတူ ငါသာ အဘချစ်သူဘွဲ့ခံယူချင်တာနဲ့ ဂျောက်ချနေတဲ့ ဘောပိတ်တွေသာ တပ်မတော် နဲ့ ထောက်ခံသူတွေကို သွေးခွဲနေသူတွေ ဖြစ်တယ်လို့ ရှူမြင်မိပါတယ် ။
ကိုယ့်ဘာသာ ကြိုက်သလောက် ဘောမကြပါ ။ အမြင်မတူတာနဲ့ ဒီလူက ပူးသတ်တို့ ၊ တပ်မတော်ကိုသွေးခွဲသူတို့ ဆိုပြီး မယုတ်မာကြပါနဲ့ ။ နစက နဲ့ တပ်မတော်က ဘယ်သူဘာဆိုတာ သိကြပါတယ် ။
ဘောပိတ်တွေက နစကကို ဒေါ်စုကြည်လမ်းစဥ်လိုက်အောင်
ဘာလုပ်လုပ်မှန်တယ်ပြောပြီး ဂျောက်ချနေရုံမက တပ်မတော်ကို ထောက်ခံသူတွေ တပ်မတော်ကို မုန်းတီးအောင် ကြားထဲကေ ကြိမ်းဝါးရန်စ ခြိမ်းခြောက်နေကြတာ များနေပါပြီ ။
တပ်မတော် နဲ့ ပြည်သူ တပ်ဖက် အရပ်ဖက် ဆက်ဆံရေးပြေလည်အောင် ပေါင်းကူးလုပ်ကြရမယ့်အစား ရန်တိုက်ပေးနေကြတာကို မြင်အောင်ကြည့်တတ်ဖို့ လိုအပ်နေပြီလို့ ယူဆပါတယ် ။
"သွေးခွဲနေသူ အစစ် ဘယ်သူလဲ''
ကိုရွှေမျိုးဝင်း
No comments:
Post a Comment