ဖြစ်စဥ် (၁)
--------
တခါတုန်းက ချက်လက်မှတ်အတုလုပ််တဲ့နေရာမှာ ဆရာကျလွန်းတဲ့ လူလိမ်ရှိခဲ့ဖူးတယ် ။ ဘဏ်တွေအတော်လေး အလိမ်ခံကြရတယ်် ။ နောက်ဆုံးဖမ်းမိတော့ ထောင်ဒဏ်နှစ်ရှည်ချလိုက်တယ် ။
သူ့ကို အတုခိုးပြီး ချက်လက်မှတ်လူလိမ်တွေ အများကြီးပေါ်လာတယ် ။ ဘဏ်တွေအတွက် အလိမ်ဖော်ဖို့ ခေါင်းခဲလာကြတယ် ။ နောက်ဆုံးတော့ လူလိမ်ဝိဇ္ဇာကို ထောင်ထဲကထုတ်ပြီး ချက်လက်မှတ် အတုဖော်တဲ့ အကြီးအကဲ ရာထူးပေးလိုက်မှ ပြဿနာပြီးသွားပါတယ် ။
မင်းသားလီယိုနာဒိုတောင် ဖြစ်ရပ်မှန်ရုပ်ရှင်ရိုက်ထားတာ ရှိပါတယ် ။
ဖြစ်စဥ် (၂)
--------
ဟော်လန်ဘောလုံးလက်ရွေးစင် တိုက်စစ်မှူး ကလွှိုက်ဗက်ဆိုတာ ၁၉၉၈ မှာ နာမည်ကြီးလှပါတယ် ။ သူ့မှာ မုဒိန်းကျူးလွန်တယ်ဆိုပြီး အဖမ်းခံရကာ အမှုရင်ဆိုင်နေရပါတယ် ။
ကမ္ဘာ့ဖလား စတင်ခါနီးမှာ သူ့ရဲ့မုဒိန်းမှုကို ပလပ်ပေးပြီး တိုက်စစ်မှူးတာဝန်ပြန်ပေးလို့ ခြေစွမ်းပြနိုင်ခဲ့ပါတယ် ။
ဖြစ်စဥ် (၃)
-------
အမေရိကန်မှာ ဆုငွေ ဒေါ်လာ တစ်သန်း ချီးမြှင့်မယ့် ဂိမ်း ပြိုင်ပွဲကြီးကျင်းပခဲ့ပါတယ် ။ ပြိုင်ပွဲက ဖျက်အားပြင်း ဗုံးကို ဘယ်သူမှ ရှာမရအောင် ဖွက်ထားပြီး လူအများဆုံး သေကြေပျက်စီးအောင် ဖောက်ခွဲပြရပါမယ် ။
မက်မောလောက်တဲ့ ဆုကြေးကြောင့် တကယ့် ထိပ်ထိပ်ကြဲ Game player တွေ ဝင်ပြိုင်ကြပါတယ် ။ ပြိုင်ပွဲမှာ ပထမရသူကို FBI ကနေ ဝန်ထမ်းခန့်ပြီး ဗုံးရှာဖွေရေး အရာရှိ ခန့်အပ်လိုက်ပါတယ ။
အထက်ပါဖြစ်စဥ် ၃ ခုကို ပြန်ကြည့်မယ်ဆိုရင် လူအများအတွက် အကျိုးပြုမယ် ၊ တိုင်းပြည်အတွက် တန်ဖိုးရှိမယ််ဆိုရင် လူတော်တွေရဲ့ ခွင့်လွှတ်လို့ရနိုင်တဲ့ ချို့ယွင်းချက်တွေကို ဥပေက္ခာပြုပြီး အသုံးချခဲ့တာတွေ တွေ့မြင်ရပါမယ် ။
ကျနော်တို့ဆီမှာ လေ့လာ ကြည့်ကြပါ ။ အရှုံးပေါ်နေတဲ့ နိုင်ငံပိုင်စက်ရုံဆီကို အကြီးအကဲအသစ် ရောက်လာတယ် ။ တသက်လုံးက လိမ်စားလာတဲ့ ဝန်ထမ်းတွေကို ပြင်းပြင်းထန်ထန် အလုပ်လုပ်ခိုင်းတယ် ။ ခိုးဝှက်မရအောင် စီမံတယ် ။
ဒီလိုနဲ့ စက်ရုံကြီးက တသက်လုံးအရှုံးပေါ်နေရာကနေ အမြတ်အစွန်းရလာပြီ ။ စက်ရုံမှူးအသစ်ရဲ့ အရည်အချင်းကြောင့် စက်ရုံတိုးတက်ပေမယ့် စားနေကြ ကြောင်ဖားတွေ မကျေနပ်ကြတော့ဘူး ။
စက်ရုံမှူးကို လာဘ်စားဖို့ ခိုးဖို့ ညှိိနှိုင်းတယ် သို့သော် နိုင်ငံဝန်ထမ်းကောင်းမို့ မရဘူး ။ ဒီတော့ လူညစ်ပတ်တွေက ယောကျာ်းတွေရဲ့ အားနည်းချက်တွေထဲက ဘာအားနည်းသလဲ ရှာကြပြီ ။
ယောကျာ်းစစ်စစ်များမှာ အသောက်အစား ၊ လောင်းကစား ၊ မိန်းမ အဲဒီ ၃ မျိုးထဲက တမျိုးတော့ ကျူးလွန်ကြတာပါပဲ ။ တချို့ဆို ၃ မျိုးလုံး ဝါသနာပါကြလေရဲ့ ။ ရှားရှားပါးပါး သူတော်ကောင်းများ ရှိကောင်းရှိနိုင်ပေမယ့် နည်းပါးလှတဲ့ ပမာဏမို့ ခြွင်းချက်ထားလိုက်ပါ့မယ် ။
စက်ရုံမှူးက မယားငယ်ရှိတယ် (သူက ဖွန်သမား) ။ အဲဒီအားနည်းချက်ကို အောက်ကဝန်ထမ်းတွေက အစဖော်ပြီး အတိုင်အတော လုပ်ကြပါရော ။
အထက်လူကြီးတွေကတော့ ဘယ်လောက်ဖြူစင်တယ်မသိပါဘူး ။ တိုင်းပြည်အတွက် အသုံးတဲ့လှတဲ့ စက်ရုံမှူးကို ကိုယ်ကျင့်တရား မကောင်းလို့ဆိုတဲ့ စွတ်စွဲချက်နဲ့ အလုပ်ထုတ်ပစ်ပါတယ် ။
စက်ရုံမှူးကိုယ်ကျင့်တရား မကောင်းဘူးဆိုရာမှာ ပြည်သူပိုင်ပစ္စည်း ခိုးတာလည်းမဟုတ် ၊ စက်ရုံကြီးဖျက်ဆီးတာလည်းမဟုတ်ပါပဲ တိုးတက်အောင်စီမံနိုင်တဲ့ အရည်အသွေးကို ဥပေက္ခာပြုပြီး ထုတ်ပစ်တာပါ ။
နောက်လာတဲ့ စက်ရုံမှူးကတော့ လူမြင်ကောင်းအောင်နေတယ် ။ အောက်က ဝန်ထမ်းတွေနဲ့ပေါင်းပြီးခိုးတယ် ။ စက်ရုံပြန်အရှုံးပေါ်တယ် ။ သို့သော် ခိုးဝှက်ထားတာတွေနဲ့ အထက်လူကြီးတွေကို ဂါ နိုင်တယ် ။ အချိန်တန်တော့ ရာထူးတက်သွားပြန်ရော ။
ဒါက နမူနာပါ ။ ဒါမျိုးဖြစ်ရပ်တွေက မြန်မာပြည်ဝန်ထမ်းလောကရဲ့ ရိုးရာဖြစ်နေတာ ကြာလှပါပြီ ။ မိုးကျရွှေကိုယ်ဆိုတဲ့ တပ်မတော်သားအရာရှိတွေ အရပ်ဖက်ရောက်လာတယ် ။
ညှိပြီးခိုးကြ ဝေစားကြရင် အဲဒီအရာရှိ ဘာမှ မဖြစ်ဖူး အချိန်တန် ရာထူးတက်ပေတော့ ။ ငါကတော့ တိုင်းပြည်အတွက်ပဲ ကြည့်မယ် ဥပဒေအတိိုင်းသွားမယ်ဆိုတဲ့ အရာရှိဘာဖြစ်မလဲ ။
အထက်ပါ စက်ရုံမှူးလမ်းစဥ်အတိုင်း တနည်းနည်းနဲ့ အတိုင်ခံရပြီး အထုတ်ပယ်ခံနေကြရတာပါပဲ ။ အဲဒီလိုနဲ့ မဟုတ်တာလုပ်တဲ့သူတွေပဲ တရိပ်ရိပ်နဲ့ ရာထူးတွေတိုးလာကြရင်း မြန်မာ့လာဘ်စားရောဂါဟာ အမြစ်တွယ်သွားပါတော့တယ် ။
ဒီ အဆိုးကျော့ သံသရာကြီးကို ဖြတ်တောက်ဖို့ အရေးကြီးလှပါတယ် ။ ဘယ်က စဖြတ်မလဲဆိုရင် ရလာဒ်ကောင်းဖော်ဆောင်နိုင်တဲ့ အကြီးအကဲတွေအပေါ် တိုင်တမ်းချက်များအား ဦးစွာ စီစစ်ကြရပါ့မယ် ။ တိုင်ကြားချက်များသည်.....
- ဌာန၏ အကျိုးစီးပွားအားမထိခိုက်ခြင်း
- ဌာန၏ တိုးတက်မှုအား အပေါင်းလက္ခဏာဆောင်နေခြင်း
- လာဘ်စားမှုနှင့် မသက်ဆိုင်ခြင်း
- သာမန် ကိုယ်ရေးကျင့်ဝတ်အား တိုင်ကြားခြင်း
စသည့်အချက်များနဲ့ ကိုက်ညီနေပါက တိုင်ကြားသူ အတွင်းဝန်ထမ်းများအပေါ် ဦးစွာစီစစ်သင့်ပါတယ် ။
နိုင်ငံအတွက် အကျိုးစီးပွားရလာဒ်ကောင်းများအား ရယူပေးနိုင်ပါက အဆိုပါ လူသားတို့၏ ဖြစ်လေ့ဖြစ်ထရှိသော အားနည်းချက်များအပေါ် နားလည်ခွင့်လွှတ်ပေးသင့်ပါတယ် ။
မိုးကျရွှေကိုယ်အများစု ပြဿနာတက်ခဲ့ကြရာမှာ သူ့ရဲ့ အားနည်းချက်ဖြစ်တဲ့ ( လောင်းကစား ၊ အသောက်အစား ၊ မိန်းမ ကိစ္စ) တခုခုအပေါ် မကျူးလွန် ကျူးလွန်လာစေရန် မြူဆွယ်ဖျားယောင်း လုပ်ကြံပြီးမှ သက်သေအခိုင်အမာနဲ့ တိုင်ကြားခံကြရပြီး ပြုတ်ကုန်တာ မရိုးသားတဲ့ ဖြစ်စဥ်အများစုကြောင့်လို့ ယုံကြည်ပါတယ် ။
ငွေရှင်နဲ့ အနီးကပ် အတွင်းလူတို့ ဂွင်ပျောက်ကြပြီဆိုရင် ပူးပေါင်းပြီး ကြံစည်တတ်ကြပါတယ် ။ ယခင် နဝတ လက်ထက်မှာ အဲလိုနည်းနဲ့ ပြုတ်သွားတဲ့ မဝတ တွေ အများအပြား တွေ့ဖူးပါတယ် ။
အမှန်တကယ် စီစစ်သင့်တာက အထက်အောက် ဘာပြဿနာမှ မရှိတဲ့ အရာရှိကြီးများ ၊ လုပ်ငန်းတိုးတက်မှု မပြနိုင်ပဲ မှေးနေသော ဌာနများ ဖြစ်ပါတယ် ။ ဘာကြောင့်လဲဆိုတော့ ညီညီညွှတ်ညွှတ် ဝေစားနေကြလို့ အသံမထွက်တာလို့ တွက်ဆနိုင်လို့ပါပဲ ။
ဒီတိုင်းပြည်မှာ လူမှုစံတွေအပေါ် ရဟန္တာနီးပါးသတ်မှတ်ထားကြပြီး လူစွမ်းလူစကြီးသူတွေ အပေါ် ဘာထောက်ထားမှုမျှ မထားပဲ အလွယ်တကူ ဖြုတ်ထုတ်နေတာတွေကို ပြန်လည်သုံးသပ်သင့်ပါပြီ ။
သူ့ဘာသာ မိန်းမ နှစ်ယောက်ပေါင်းပြီး တိုင်းပြည်အတွက် တနှစ် ဆယ်ဘီလီယံ ရှာပေးနေတဲ့ အရာရှိကို မိန်းမနှစ်ယောက်နဲ့မို့ ဖြုတ်ပစ်ပြီး စိတ်ပုတီးကိုင်ကာ တိုင်းပြည်ငွေ တနှစ် ၅ ဘီလီယံ လောက်အရှုံးပြ ခိုးနေတဲ့သူကို ရာထူးတိုးပေးနေတဲ့ ပေါ်လစီ ပြန်လည်သုံးသပ်သင့်ကြပါပြီ ။
(နမူနာသဘော ပြောပြခြင်းသာဖြစ်ပါတယ်)
တိုင်းပြည်အတွက် အရည်အချင်းရှိပြီး အသုံးတည့်သော လူတော်များအတွက် လွဲမှားနေသောစံသတ်မှတ်ချက်အား ဖြေလျှော့ပေးပြီး လူမှန်နေရာမှန် တာဝန်ပေးနိုင်မှသာ တိုင်းပြည်အတွက် အကျိုးများမယ်လို့ ယုံကြည်မိပါတယ် ။
ကိုရွှေမျိုးဝင်း
(ကျနော်တို့က မယားစံရွေးရင်း ဒီလိုမယားနဲ့တွေ့ပြီး စောက်ကျိုးနည်းနေတာ ကြာပြီဗျ)
No comments:
Post a Comment