ညနေစာ စားပြီးမှ ကိုစိုးရောက်လာလို့ လက်ဖက်ရည် သွားသောက်ကြပါတယ် ။ စားပွဲထိုးက လူသစ်လေး ဆိုတော့ ကိုစိုးအတွက် ပေါ့ကျ နဲ့ ကျနော့်အတွက် ပုံမှန် တခွက်စီ မှာလိုက်ပါတယ် ။
လက်ဖက်ရည် ရောက်လာတော့ ကိုစိုးက မြည်းကြည့်ပြီး နှပ်ရည်ထပ်ထည့်ခိုင်းတယ် ချိုနေသေးလို့ တဲ့ ။ ပြီးတော့ ကျနော်နဲ့ လေကန်တာပေါ့....
"ငမျိုးရေး အချိန်ကလည်း တနှစ် နဲ့ လေးလ ကြာသွားပြီ တိုင်းပြည်ကလည်း သိပ်မထူးသလိုပဲ ကွာ ဟိုကြောက်ရ ဒီကြောက်ရ ဖြစ်နေတုန်း ပဲ ''
"နေပါအုံး ကိုစိုးရာ အရင်ကလို သံပုံးလောက်သံ ၊ အုံနဲ့ကျင်းနဲ့ ရဲစခန်းဝိုင်း ၊ အမြင်မတူသူတွေ ကတုံး တုံး နဲ့ လုပ်နေသေးလား ဗျ ''
"အရင်က ကတုံးပဲ တုံးတာကွ အခုဟာက အသေသတ်နေတာ ငမျိုးရေ ''
"အင်း အလစ်အငိုက် လုပ်ကြံနေတာတော့ ထိမ်းသိမ်းဖို့ ခက်ခဲမှာပေါ့ ဗျာ ဒါပေမယ့် ဗြောင်လုပ်ရဲ တဲ့ အဆင့်ကနေ အလစ်ဝင်လုပ်တဲ့ အဆင့်ဆိုတော့ တိုးတက်မှုပါပဲ ကိုစိုးရာ ''
'' ဒါဆို စစ်ကိုင်းတိုင်းဘယ်လိုလုပ်မလဲကွာ ''
'' အင်း စစ်ကိုင်းတိုင်းက သတင်းအမှောင်ချထားလို့ လူသိနည်းကြတာပါဗျာ အခုဆို ဇောင်းထတဲ့ စစ်ကိုင်းတိုင်း မွမွကျေနေပါပြီ လက်နက်ချသူ ထွက်ပြေးသူတွေနဲ့ ဗရုတ်သုတ်ခ ဖြစ်နေတာ မြေပြင်အခြေအနေမှန်တွေပါပဲ ''
''လိုင်းပေါ်တော့ တပ်မတော်စစ်ကြောင်းတွေ ဝင်ကြမ်းနေပြီလို့ တွေ့တာပဲ ကွ ''
'' ခင်ဗျားက အခုမှ တွေ့တာပါ ဆော်နေတာကြာပေါ့ ''
'' ဒါဆို ဥကရစ်ထ စခန်းအသိမ်းခံရတဲ့ သတင်းကရောကွာ ''
'' အတိုက်ခံရတာပါ ဆင်ဖြူရှင်စစ်ဆင်ရေးဆိုလားပဲ ရူးကြောင်ကြောင်နဲ့ လာလုပ်ကြတာ လက်နက်ကြီးကော လေကြောင်းကရော ဧည့်ခံလိုက်တာ တဝက်လောက်ကြွပြီး လူနာတွေများလွန်းလို့ ထိုင်းဆေးရုံကတောင် လက်မခံတော့ဘူးဆိုပြီး သူတို့ဘက်က တင်ထားတာတွေ့လိုက်ပါ့ဗျာ ''
'' ကိုင်း AA ဓာတ်ခဲတွေ ဇောင်းထနေတာရောကွာ ''
'' တပ်က သိပ်လုပ်စရာမလိုပါဘူး အခု သဘော်ဆိပ် နဲ့ ကားဂိတ်တွေပဲ ပိတ်ဆို့လိုက်တာ ငယ်သံပါအောင်နေပြီလေ ကြားတယ်မဟုတ်လား ဒေါက်တာအေးမောင်က ညှိပေးမယ့် ကြားအဖွဲ့လိုနေပြီ ဘာညာနဲ့ ပလီပလာ ဇတ်လမ်းစလာပြီလေ ''
'' ဖြတ်မယ့်ဖြတ် ၄ ခုလုံး ဖြတ်တုတ်ပစ်လိုက်ကွာ ''
'' သြော် ကိုယ့်အမြင်နဲ့ ဆော်ချင်နေတာထက် ဆော်သင့်တဲ့အချိန် ဆော်ဖို့ အရေးကြီးတာပါ ဗျာ ''
"စီးပွားရေး ကလည်း မထူးဖူးကွ''
"အပြင်ထွက်ပြီး ကုန်စည်သယ်ကြည့်လေ ဘယ်နေရာ မှာ တစ်ဆို့နေလို့လဲ ကိုစိုးရ ကုန်စျေးနှုံးကတော့ လောင်စာဆီစျေးတက်နေလို့ သူလည်း တက်နေအုံးမှာပဲ ဗျ ''
'' အေးကွ တကမ္ဘာလုံး ကြုံနေရတဲ့ လောင်စာဆီကိစ္စဆိုတော့လည်း ခက်သားကွ ဒါနဲ့ ပညာရေး ကျန်းမာရေး ဘာထူးပြီး တိုးတက်နေလဲကွ ''
"အရင်က လုံးဝ ကုမပေးတဲ့ ဆေးရုံ အများစု အခု ကုသလို့ ရနေပါပြီ ဗျာ ပညာရေးကတော့ လိုချင်သူတွေ ရအောင် ယူကြပေါ့ကိုယ့်ဘာသာ မယူတာတော့ ကိုယ့်တာဝန်ပဲ ကိုစိုးရာ ''
"အင်း လုံခြုံရေးကတော့ စိတ်တိုင်းမကျတာတော့ အမှန်ပဲ ကွ ''
"ဟုတ်ပါတယ် ကိုစိုးရာ ကိုယ့်စိတ်တိုင်းကျတော့ ဘယ်ဖြစ်သေး မလဲဗျာ ''
"အဲလို ဖြစ်ချင်နေပြီ ကွ ''
"ကိုစိုးရေ နေရာမှန်ရောက်မှ ကိုယ့်စိတ်တိုင်းကျ ဖြစ်ရမှာ ဗျ ကျနော်တို့ ပြည်သူတွေက နေရာမှန်မရောက်သေးတာ ဇွတ်တောင်းဆိုလို့ မရသေးဘူး ''
"ဘာနေရာမှန်လဲ ကွ ငါ နားမလည်ဖူး ''
"ခုနတုန်းက ကိုစိုးသောက်တဲ့ လဖက်ရည် အဖန်ရည်ပေါ့ပြီး ချိုနေလို့ ပြင်ခိုင်းတယ်နော် ဆိုင်ကလည်း ပြင်ပေးပါတယ် ''
"အေးလေ ဆန်းသလား ဟ ''
" အင်းပါ ဟိုတလောတုန်းက ကိုကြီးငွေ သမီးလေး မင်္ဂလာဆောင်ကို သွားခဲ့တာ မှတ်မိသေးတယ် မဟုတ်လား ''
"အေးလေ မင်းနဲ့ အတူ သွားတာပဲ ''
"မင်္ဂလာဆောင်က လက်ဖက်ရည် ချိုရဲရဲ နဲ့ ကိတ်မုန့် လေးချပ် စမူဆာ သုံးခု ခင်ဗျားစားခဲ့တယ်နော် ''
"အံမယ် မင်းက ပိုများပါတယ် ကွာ ငါ မမှတ်မိလို့သာ ပါ ''
"ထားပါ အဲဒါပြောချင်တာ မဟုတ်ဖူး ကိုစိုးသောက်နေကြ ပေါ့ကျ မဟုတ်တဲ့ လက်ဖက်ရည် ချိုရဲရဲ ကို မပြင်ခိုင်းပဲ ဘာလို့ သောက်လာတာလည်း ဗျ ''
"ဟကောင် ဂေါက်နေတာလား မင်္ဂလာဆောင်မှာ လက်ဖက်ရည် ပြင်ခိုင်းလို့ ရမလား ဟ မကြိုက်ရင် မသောက်ရုံပဲ ရှိတာပေါ့ လက်ဖွဲ့ကလည်း ပေးခဲ့ပြီးပြီလေ သူဧည့်ခံတာ ကြိုက်ကြိုက် မကြိုက်ကြိုက် သောက်ရမှာပေါ့ ''
"အဲဒါပဲ လေ ကိုစိုးက မင်္ဂလာဆောင် ရောက်နေမှန်းသိတော့ ကြေးမများနိုင်တော့ဖူး ကြိတ်မှိတ်သောက်ရမှာပဲ လို့ သိထားတာကိုး ''
"ဒီတော့...... ''
"အခု ကျနော်တို့ကလည်း နိုင်ငံရေး မင်္ဂလာဆောင်ထဲ ရောက်နေတာ ဗျ သူဧည့်ခံတာကို ကြိတ်မှိတ်သောက်ပေတော့ မသောက်ရင် ငတ်ဖို့ပဲ ရှိတယ် လက်ဖွဲ့ကတော့ ပေးခဲ့ပြီးပြီ လေ ''
"ဟိုက်...ပေါက်တီးပေါက်ရှာ ငမျိုးရာ အေးပါကွာ နိုင်ငံရေး မင်္ဂလာဆောင်ထဲမှာ ကိုယ့်စိတ်တိုင်းကျ မရနိုင်သေးဖူးလို့ပဲ သဘောထားလိုက်ပါ့ ကွာ.. ''
"အဲဒီလို သိထားမှ ခင်ဗျားရင်ထဲက အားမရ မကျေနပ်တာတွေ ပေါ့သွားမှာပေါ့ ဗျာ ''
"OK ဟုတ်တယ် ကွ နဲနဲတော့ ပေါ့သွားတာ အမှန်ပဲ ဟေ့ ပြန်ကြစို့ကွာ ည ၈ နာရီ ထိုးခါနီးပြီ ''
။ ။ အာဏာထိမ်းပြီး လေးလ အကြာက ရေးခဲ့ဖူးတာကို UP date သတင်းလေးတွေနဲ့ ပြောင်းလဲ တင်လိုက်ပါတယ် ။
ကိုရွှေမျိုးဝင်း
( နီပိတ်လေးတွေ သတင်းမှန်တွေ ဖတ်မိပြီး စိတ်ဓာတ်မကျပါနဲ့ မင်းတို့ ရေပြည့်ရင် နိုင်ပြီသိလား တောင့်ထားနော်....)
No comments:
Post a Comment