ဧရာဝတီမြစ်ဆုံ သပွတ်အူကြီးကိုပြန်ပြီး လေ့လာကြည့်တော့ စိတ်ဝင်စားစရာတွေ တွေ့ရပြန်ပါတယ် ။ ဧရာဝတီမြစ်ဆုံကို ဇာတ်လမ်းစခဲ့တာ အေရှဝေါ်လ် ကုမ္ပဏီရဲ့ ပါတနာ တရုတ်တွေပဲ ။
သူတို့က အလွတ်သဘောနဲ့ လေ့လာပြီး စီးပွားရေးတွက်ခြေကိုက်နိုင်တယ် ဆိုတဲ့ ကောက်ချက်နဲ့ 6-7-2009 မှာ
တရုတ်အစိုးရကို စတင် တင်ပြခဲ့ပါတယ် ။
မြန်မာဖက်ကိုတော့ အေရှဝေါလ်က သူရသီဟ တင်အောင်မြင့်ဦးက တဆင့် ဦးမောင်အေး ဦးသန်းရွှေ တို့ထံကို သတင်းပို့
ပြီးဖြစ်နေခဲ့ပါပြီ ။
ဦးသန်းရွှေ တရုတ်ပြည်ကို ခရီးသွားခဲ့တဲ့ ကာလမှာပဲ တရုတ်သမ္မတဟူကျင်းထောင် ကိုယ်တိုင် ကြိုဆိုခဲ့ကြပါတယ် ။ စီးပွါးရေး လုပ်ငန်းရှင်တွေပါ ဦးသန်းရွှေ
ခေါ်သွားလို့ သူ့အဖွဲ့ဟာ လူ ၈၁ ဦးအထိ ပါဝင်ခဲ့ပါတယ် ။
တရုတ်အစိုးရဟာ မြစ်ဆုံအပါဝင် စီးပွါးရေးလုပ်ငန်း ၁၃ ခု ကိုစာချုပ်ချုပ်ဆိုခဲ့ကြပါတယ် ။
စာချုပ်ချုပ်ဆိုပြီးတာ နဲ့ တရုတ်တွေဟာ ခြေမြန် လက်မြန်ပဲ
8-12-2009 မွာ မြစ်ဆုံလုပ်ငန်း စတင်ခဲ့ပါတယ် ။
ရွာပေါင်း ၆၃ ရွာရွှေ့ပြောင်း ပေးခဲ့ရပြီး လူပေါင်း ၂၆၀၀၀ မှ ၃၈၀၀၀ ကြား ရှိမယ်လို့ ခန့်မှန်းကြပါတယ် ။
မြစ်ဆုံစီမံကိန်းကနေ လျှပ်စစ်မဂ္ဂါဝပ် ၆၀၀၀ ထုတ်လုပ်ပါ့မယ် ။ အဲဒီကတဆက်ထဲ ချီဗွေငယ် ၊ ချီဗွေကြီး ၊ အူဆောက် ၊ ခေါင်လန်ဖူး ၊ လိုင်ဇာ အစရှိတဲ့
နေရာ ၇ ခုမှာလည်း လျှပ်စစ်ထုတ်ဖို့ စီမံကိန်းတွေ ရေးဆွဲထားပြီး ဖြစ်ပါတယ် ။
အဆိုပါ ၇ နေရာဟာ ရေစီးကြမ်းပြီး သွားလာလို့ မရအောင် ကျောက်ဆောင်တွေ ပေါများလှတဲ့ လူနေကျဲပါးသော မေခမြစ်
တလျှောက်မှာ ဖြစ်ပါတယ်
မိုင်ပေါင်း ၁၄၀ မှ ၁၅၀ အတွင်း ရှည်လျှားတဲ့ မေခမြစ်ညှာမှာ စုစုပေါင်း မဂ္ဂါဝပ် နှစ်သောင်း
အထိ ထုတ်လုပ်ဖို့ ရေးဆွဲထားတဲ့ စီမံကိန်းဖြစ်ပါတယ် ။
အများပြည်သူ သိချင်နေတဲ့ အကျိုးအမြတ်ခွဲတမ်း ကိစ္စတွေကို ဒီလို တွေ့ရပါတယ် ။
ဒါတွေကတော့ လျှပ်စစ်ဝန်ကြီးဟောင်း ကိုယ်တိုင် ပြောခဲ့တာတွေ ဖြစ်ပါတယ် ။
အမြတ်ခွန် 10 %
ကုန်သွယ်ခွန် 10 %
မြေငှါးရမ်းခ 15 %
{ တရုတ်တွေကတော့ အရင်းမဲ့ အမြတ်လို့ ပြောပါတယ်}
အဲဒါကတော့ မလွဲမသွေရမယ့် အခွန်အခ ဖြစ်ပါတယ် ။
ဒီအပြင် လျှပ်စစ် 10 % ( ၆၀၀ မဂ္ဂါဝပ်) အခမဲ့ ရရှိပါမယ် ။
အရင်းအဖြစ် 10 % ထည့်ဝင်ထား၍ ထုတ်လုပ်ထားသော လျှပ်စစ် မှ ကျန် 90 %
ရောင်းချပြီး အသားတင်အမြတ် 10 % ထပ်ရပါမယ်
( မမြတ်လျှင် မရပါဘူး )
အရင်း % ကို မြင်သာအောင် ပြရမယ်ဆိုရင် ...
တရုတ် 85 %
မြန်မာအစိုးရ 10 %
အေရှဝေါလ် 5 % ဆိုပြီး တွေ့ရပါမယ် ။
မြစ်ဆုံ စီမံကိန်း တခုတည်းမှ နှစ်ပေါင်း ၅၀ တွက် မြန်မာအစိုးရက US$ 54 ဘီလီယံ
ရနိုင်မယ်လို့ တွက်ထားပါတယ် ။
နှစ် ၅၀ ပြည့်ရင် မြန်မာက အလုံးစုံပိုင်မယ် ။
တမံတခုရဲ့ အာမခံသက်တမ်းက နှစ် ၁၀၀ ရှိပြီး လျှပ်စစ်စက်ရုံတွေကတော့ ပြင်သုံးနေရင် ဘီလူးချောင်းက နှစ် ၆၀ ကျော်နေတဲ့ စက်ရုံတောင် မဂ္ဂါဝပ်အပြည့် ထွက်နေတုန်းပါပဲ
တဲ့ ။
ကောင်းပါပြီ ဒါဆိုရင် ဧရာဝတီမြစ်ဆုံ စီမံကိန်းဆိုတာ
မြန်မာအစိုးရက 10 % ထဲ ယူပြီး တရုတ်ကို အလကားပေးထားတာ မဟုတ်ကြောင်း ရှင်းလောက်ပါပြီ ။
နောက်ထပ် သိလိုကြတာ ဘာကြောင့် လုပ်ခဲ့ကြသလဲ ?
ဦးသိန်းစိန်က ဘာကြောင့်ရပ်ဆိုင်းခဲ့သလဲ ?
ဆိုတဲ့ မေးခွန်းတွေ ဖြစ်ပါတယ် ။
စစ်အစိုးရတုန်းက လျှပ်စစ် ရည်မှန်းချက် ရှိခဲ့ပါတယ် ။
2030 မှာ မြန်မာ တနိုင်ငံလုံးအတွက် မဂ္ဂါဝပ် 14000 ပြည့်မှီရမယ်ဆိုတဲ့ ရည်မှန်းချက်ပါပဲ ။
မဂ္ဂါဝပ် ၃၀၀၀ ကျော်သာ ထုတ်ထားနိုင်သေးတဲ့ ကာလက ရည်မှန်းချက်အရ မြစ်ဆုံကို
စတင်ခဲ့ကြတာပါပဲ ။
နောက်ပြီး အရေးကြီးတဲ့ အချက်က စစ်အစိုးရ ဖြစ်နေတာပါပဲ ။ တိုင်းပြည်အတွက် လိုအပ်တယ်လို့ သူတို့ယူဆတဲ့ ကိစ္စတွေကို ဖြစ်အောင်လုပ်လေ့ရှိတဲ့ ထုံးစံအတိုင်း ပြည်သူ့ဆန္ဒတွေ ဘာတွေ စဉ်းစားစရာ မလိုပဲ လုပ်ငန်း စတင်ခဲ့တာ ဖြစ်ပါတယ် ။
စနစ်ပြောင်းသွားတဲ့ ဦးသိန်းစိန်လက်ထက်မှာ မတူတော့ပါဘူး ။ အုပ်ချုပ်တဲ့ စနစ်အရ ပြည်သူ့ဆန္ဒကို အလေးထားရတဲ့ စနစ်ဖြစ်နေတော့ မြစ်ဆုံကို ရပ်ပေးလိုက်ပါတယ် ။ မြစ်ဆုံအတွက် ကန့်ကွက်မှုတွေက
ကျယ်ကျယ်ပြန့်ပြန့် ဖြစ်လာနေလို့ပါပဲ ။
ဒေါ်စုကြည်ကိုယ်တိုင် ဧရာဝတီအသနားခံစာ ဘာညာ ဆိုပြီး 11-8-2011 မှာ စာတမ်းတွေဘာတွေ ထုတ်ခဲ့သေးသကိုး ဗျ ။
( အခုမှ ရူးချင်ယောင်ဆောင်နေတာပါ)
ကဲ ဦးသိန်းစိန် လက်ထက် ရပ်ထားတဲ့ ဧရာဝတီကို လျှော်ကြေးပေးရမယ်ဆိုပြီး ဖွနေတာလည်း တွေ့ရပြန်ပါတယ် ။
ဦးသိန်းစိန်အစိုးရလက်ထက်က လျှပ်စစ် ဒု ဝန်ကြီး ဦးမော်သာထွေး ပြောသွားတာ
ကတော့ ရှင်းပါတယ် ။ စာချုပ်မှာ အလျှော်ပေးရမယ်ဆိုတဲ့ အချက် မပါပါဘူး တဲ့ ဗျာ ။
တရုတ်ကလည်း ကုန်ကျစရိတ် မတောင်းပါဘူးတဲ့ ။ ကြားကနေ နိုင်ငံရေးကစားချင်လို့ ဖွနေကြခြင်း ဖြစ်ပါတယ် ။
ဦးသိန်းစိန်က မေခ မြစ်ညှာက စီမံကိန်းတွေ ဆက်လုပ်ဖို့ အကြံပြုသတဲ့ ။
ချီဗွေငယ် တည်ဆောက်ပြီး မဂ္ဂါဝပ် ၉၉ ၊မိုးကောင်း နဲ့ မြစ်ကြီးနားကို ဖြန့်ဝေနေပါပြီ ။
ချီဗွေကြီးဆိုရင် မဂ္ဂါဝပ် ၁၀၀၀ ကျော် ထွက်ပါမယ် ။
အကြံပေးနေကြတာကတော့
မြစ်ဆုံကို ပြန်လေ့လာပါ တဲ့ ။
- စီးပွါးရေးတွက်ခြေကိုက်မှု တကယ်ရှိသလား ?
- မရှိရင် တရုတ်က ဘာကြောင့် လုပ်ချင်နေတာလဲ ?
(ဆည်နဲ့ မြန်မာကို ခြိမ်းခြောက်ဖို့လားပေါ့)
- ဒါမှမဟုတ် မြစ်ဆုံကြောင့် မြန်မာပြည် ဖွံ့ဖြိုးလာပြီး တရုတ်နဲ့ပူးပေါင်းသွားမှာ စိုးရိမ်နေတဲ့ အနောက်အုပ်စုရဲ့ အကြောက်တရားနဲ့ ခြိမ်းခြောက်ပြီး
လက်သပ်မွေးထားတဲ့ မီဒီယာတွေကနေ ဝါဒဖြန့် ပိတ်ပင် ဆန့်ကျင်စေသလား ?
-အန္တရာယ် များတယ်ထင်ရင် တမံအမြင့်လျှော့ ရေလှောင်ဧရိယာ လျှော့ပြီး လုပ်ကြမလား ? အဲဒီလိုတွေ ပြောထားကြပါတယ် ။
ဒီအချက်အလက်တွေဟာ လျှို့ဝှက်ချက်တွေ မဟုတ်လို့ NLD အစိုးရက ချပြလို့ ရပါတယ် တဲ့ ။ သူတို့ဘာသာ ချမပြရဲတာဟာ ယခင်က မြစ်ဆုံကို စစ်ဗိုလ်ချုပ်တွေ ရောင်းစားပစ်တာ တို့ တရုတ်ကို အလကား
ပေးပစ်တာ တို့ ဆိုတာ မဟုတ်မှန်ပဲ သူတို့ လိမ်ညာခဲ့တွေကို ပြည်သူတွေ သိသွားမှာ ကြောက်လို့တာ ချမပြတာပါ တဲ့ ။
အဲဒီ မြစ်ဆုံ စာချုပ်ကိုသာမက ဦးနုလက်ထက်က စာချုပ်တွေအထိ အားလုံးသော ကတ်ဘိနက်စာရွက်စာတမ်းတွေကို လေ့လာလို့ ရပါတယ် ။
မြစ်ဆုံစာချုပ်ကိုတော့ လျှပ်စစ်ဝန်ကြီးဌာန ၊ နိုင်ငံခြားရေးဝန်ကြီးဌာန ၊ အစိုးရအဖွဲ့ရုံး နဲ့ ရှေ့နေချုပ်ရုံးတွေ မှာ တောင်းကြည့်လို့
ရနိုင်ပါကြောင်း ယခင် အစိုးရ ဝန်ကြီးများက ပြောထားပါတယ် ။
ဒါတွေကတော့ ကျနော်လေ့လာမိသလောက် ဧရာဝတီမြစ်ဆုံရဲ့ စတင်ဖြစ်ပေါ်ပုံ ၊ လုပ်ငန်းအကောင်အထည်ဖော်ပုံ ၊ လုပ်ငန်းရပ်တံ့သွားပုံ ၊ အရင်းထည့်ဝင်မှု အချိုး ၊ ရပိုင်ခွင့်ခွဲတမ်း ရဲ့ မှတ်တမ်းများ ဖြစ်ပါတယ် ။
ဧရာဝတီမြစ်ဆုံ လုပ်သင့် မလုပ်သင့် ၊ တိုင်းပြည်အတွက် လျှပ်စစ်မထုတ်သင့် ထုတ်သင့် စတဲ့ ကိစ္စရပ်တွေကိုတော့ မဝေဖန်တတ်ပါဘူး ။ ပညာရှင်များရဲ့ ကဏ္ဍ ဖြစ်ပါပြီ ဗျာ ။
နိဂုံးချုပ် ပြောချင်တာက
- မြစ်ဆုံကို ဗိုလ်ချုပ်ကြီးတွေ လုပ်ခဲ့တာဟာ ကိုယ်ကျိုးသက်သက် မဟုတ်ပဲ တကယ်လိုအပ်နေတဲ့ လျှပ်စစ်ကဏ္ဍအတွက် လုပ်ခဲ့ကြခြင်း
- တရုတ်အား အလကားမတ်တင်း လုပ်ခွင့်ပေးခဲ့ခြင်း မဟုတ်ပဲ တိုင်းပြည်အတွထိုက်တန်သော အချိုးကျဝေစု ခွဲတမ်း ရအောင် စီမံခဲ့ခြင်း
- ဦးသိန်းစိန်ဟာ ပြည်သူ့အသံ နဲ့ ပြည်သူ့ဆန္ဒကို ဘယ်လောက်ထိ တန်ဖိုးထားသလဲဆိုတာ သိရှိစေလိုခြင်း
- စကားအား လှည့်ပတ် လိမ်ညာပြောဆိုတတ်သော ဒေါ်စုကြည်၏ မြစ်ဆုံနဲ့ ပတ်သက်တဲ့ လိမ်ညာနေမှုများအား ပြည်သူတွေ သိရှိနားလည်စေခြင်း တို့ အတွက် ရေးသားခြင်း ဖြစ်ပါတယ် ။
ကိုရွှေမျိုးဝင်း
https://www.facebook.com/1714873481881560/videos/1396130753878306/
https://www.facebook.com/jason.minnaing/videos/3096944997065618/
https://www.facebook.com/100045758540938/videos/136571484544802/
No comments:
Post a Comment