တချိန်တုန်းက ပြည်ပကျွန် ပြည်ပသြဇာခံ ဖြစ်နေတဲ့ ဒေါ်စုကြည်ကို ရည်ညွှန်းပြီး ဒီ ပုံပြင်ကို ပြောပြခဲ့ဖူးပါတယ် ။
ဂျာမဏီမှာ မာစီးဒီးကားတွေ နာမည်ကြီးခါစ အချိန်ကပေါ့ဗျာ ။ အလွန်တောခေါင်တဲ့ အစွန်အဖျားက ပညာမဲ့ လယ်သမားတဦးဟာ ဘာလင်ကို အလည်လာရင်း လယ်ယာသုံးကုန်တွေ ဝယ်သတဲ့ ။
လမ်းတလျှောက်မှာ တွေ့နေရတဲ့ ခန့်ညားထယ်ဝါသော မာစီးဒီးကားကြီးတွေပေါ်က ကျော့မော့နေတဲ့ လူတွေကို ကြည့်ပြီး အလွန်အားကျနေသတဲ့ ။
လယ်ယာသုံးပစ္စည်း ဝယ်တဲ့နေရာမှာ နေ့ခြင်းဖောက် ကံစမ်းမဲ လုပ်ပေးနေပါတယ် ။ ဆုကတော့ သူသိပ်သဘောကျတဲ့ မာစီးဒီးကားကြီးပါပဲ ၊၊ ဒါနဲ့ ကံစမ်းမဲဝယ်ထိုးပါတယ် ။ ကံအားလျှော်စွာပဲ လယ်သမားကြီး ကားပေါက်တယ် ဗျ ။
ကုမ္ပဏီကနေ သူ့လိပ်စာ ယူထားပြီး ယာဥ်လိုင်စင်ပြီးရင် လာပို့မယ်လို့ ပြောလိုက်ပါတယ် ။ သူပြန်သွားပြီး မကြာခင်မှာပဲ သူ့ဆီကို ကားကြီး လာပြီး ပို့ပေးပါတယ် ။
ပြဿနာက အဲဒီတောခေါင်ခေါင် မှာ ကားမောင်းတတ်သူဝေးလို့ မမြင်ဖူးသူတွေ ချည်းပဲ ။ လယ်သမားကြီးလည်း မမောင်းက မမောင်းတတ် ကားကြီးစီးပြီး ကြွားဝါချင်စိတ်ကလည်း ရှိနေတော့ ကြံရပြီပေါ့ ။
အကြံရသွားတဲ့ လယ်သမားကြီးဟာ နောက်တနေ့မှာ မာစီးဒီးကားကြီးကို ရှေ့ကနေ မြင်းနဲ့ဆွဲခိုင်းပြီး ခပ်တည်တည် စီးပြနေပါရော ၊ ဘေးကရွာသူ ရွာသားတွေကလည်း အံ့ချီးဘနမ်း လက်ခုပ်လက်ဝါးတီးနေသပေါ့ လေ ။
မြင်းဆွဲသွားနေတဲ့ မာစီးဒီးကားပေါ်က လယ်သမားကြီးကလည်း တပြုံးပြုံး ၊ ဘေးက ငတုန်းတွေကလည်း တအုံးအုံး ဖြစ်နေချိန်မှာတော့ မာစီးဒီးကားအတွင်းထဲက မြင်းကောင်ရေများစွာ အစွမ်းရှိသော အင်ဂျင်များက ငုပ်တုတ်မေ့နေရပေပြီ ။
ဟုတ်ကဲ့ အတွင်းထရံ အပြင်ကာနေတဲ့ ဒေါ်စုကြည်အတွက် ကျနော်ရေးခဲ့တာပါ ။
ယနေ့ တပ်ချုပ်ကြီး မူဝါဒ တွေနဲ့ လုပ်ဆောင်ချက်တွေကရော ဘယ်လိုလဲ လေ့လာမိပြန်ပါတယ် ။
တပ်ချုပ်ကြီးဟာ CDM သမားတွေ နဲ့ GZ အပါအဝင် NLD တွေကို သူ့အား ထောက်ခံလာစေရန် အမျိုးမျိုးသော ဖြေလျှော့မှုတွေ ပေးပြီး စည်းရုံးနေပါတယ် ။
အနိမ့်ဆုံးအဆင့် အနည်းဆုံးအင်အား ဆိုတဲ့ ပေါကြောင်ကြောင် စကားလုံးတွေနဲ့ ကိုယ့်ဘာသာ တုတ်နှောင်နေပါတယ် ။
ဒီမိုကရေစီ နဲ့ ဥပဒေနှင့်အညီဆိုပြီး လျော့ရဲရဲ ကိုင်တွယ်နေပါတယ် ။
နေ့စဥ်ရက်ဆက် ဗုံးပေါက်မှုတွေ မီးရှို့မှုတွေ အကြမ်းဖက် သတ်ဖြတ်မှုတွေ အပေါ် ထိရောက်သော ကာကွယ်မှု လုံးဝ (လုံးဝ) မပေးပါပဲ ပြစ်မှုကျူးလွန်နေသူများကို စုံစမ်းဖော်ထုတ်၍ ဥပဒေနဲ့အညီ ထိရောက်စွာ အရေးယူနိုင်ရန် ဆောင်ရွက်လျှက်ရှိပါတယ် ဆိုတဲ့ မရေရာတဲ့ ကြေညာချက်လေးထုတ်ပြီး တာဝန်ကျေပြနေပါတယ် ။
အောက်ခြေ ရဲစခန်းတွေ နဲ့ နယ်ခံတပ်တွေကို ကာကွယ်ပေးဖို့ တိုင်ကြားနေတာတောင် ခင်ဗျားတယောက်တည်း ကာကွယ်မပေးနိုင်ဘူး တို့ အလုပ်ရှုပ်နေတယ် မအားဖူး ကြည့်နေပေါ့ ဆိုတဲ့ ရဲ စခန်းတွေ တပ်တွေ ရှိနေတာ စစ်ရုံး တိုင်ထားတောင် ထူးခြားမှု ရှိမရှိ မသိရသေးတဲ့ လုံခြုံရေး စီမံခန့်ခွဲမှု အညံ့စား ။
ဒါတွေ အားလုံးရဲ့ ရေသောက်မြစ်က တိကျပြတ်သားခြင်း မရှိတဲ့ နစက ရဲ့ ဝေလေလေ အမိန့် ညွှန်ကြားချက် နဲ့ ဘာမှန်းမသိတဲ့ တာဝန်ယူမှု မရှိတဲ့ အူကြောင်ကြောင် စီမံအုပ်ချုပ်နေမှု
(အရပ်သား တစက ၊ ခစက ၊ မစက တာဝန်ယူရမှာလား ဆိုင်ရာ တပ်အသီးသီးရဲ့ တပ်မှူးတွေက တာဝန်ယူရမှာ ဘာတခုမှ ပြတ်ပြတ်သားသား အမိန့်ပေးထားပုံ မပေါ်တဲ့ ပေါ်လစီ)
အဲလို အဖြစ်တွေကြောင့် တိုင်းပြည်အနှံ့ ဘယ်သူ့ကြောက်ရမှန်းမသိတဲ့ အနေအထား ရောက်နေရတာ တပ်ချုပ်ကြီးရဲ့ တာဝန်ပါပဲ ။
ယခုပုံစံကြည့်ရတာ တပ်ချုပ်ကြီးဟာ မိမိရဲ့ မာစီးဒီး အတွင်းရှိ မြင်းကောင်ရေ များစွာသော အင်အားနှင့် ညီမျှသည့် တပ်မတော် ထောက်ခံသူများ ၊ အမျိုးသားရေး အင်အားစုများ နဲ့ တပ်မတော် တပ်မှူးအသီးသီးရဲ့ အင်အားကို ဥပေက္ခာပြုကာ အပြင်က ပေကပ်ကပ် ဒုက္ခပေးနေတဲ့ မြင်းယုတ်မာကို ကျော်သပ်ပြီး မာစီးဒီးကား ဆွဲခိုင်းချင်နေတဲ့ ပညာမဲ့ လယ်သမားနဲ့ တူနေပါပြီ ။
အနောက်အုပ်စုကို ကြောက်နေသလား? ဘာတွေကြောက်နေပါသလဲ ? သူတို့ ဘယ်တုန်းက မြန်မာပြည်အပေါ် ကောင်းခဲ့ပါသလဲ ?
ကုန်သွယ်ရေးကဏ္ဍအတွက်လား ? လုပ်တတ်မယ်ဆိုရင် ဘာ်မအေလိုးမှ အရေးလုပ်စရာ မလိုပါဘူး ။ ကိုယ်မြေ ကိုယ်ရေ ကိုယ့်ပထဝီ အနေအထားအရ ကမ္ဘာ့လူဦးရေ တဝက်ရှိတဲ့ နိုင်ငံကြီး ၂ ခုကြားနေရတာပါ ။ ဒီလောက်စျေးကွက်ကြီးကြား ရောက်နေပြီး မရောင်းတတ် မဝယ်တတ်တာ အုပ်ချုပ်သူအဆက်အဆက်တို့ အင်မတန့် အင်မတန် ညံ့ခဲ့ကြလို့ပါပဲ ။
ပြောချင်တာက
၁ ။ တသက်လုံးက ကိုယ့်အပေါ် မကောင်းခဲ့တဲ့ အနောက်အုပ်စုကို စဥ်းစားမနေပါနဲ့ ။
၂ ။ တပ်ချုပ်ကြီးအနေနဲ့ မိမိကိုယ်ပိုင် မြင်းကောင်ရေ များစွာနဲ့ အချိန်တိုအတွင်း ခရီးရောက်အောင် မောင်းမလား ၊ ဒုက္ခအမြဲပေးနေတဲ့ မြင်းဆိုး မြင်းယုတ် နဲ့ ခရီးသွားမလား ပြတ်သားစွာ ဆုံးဖြတ်ဖို့ အချိန်တန်ပါပြီ ။
မျိုးဝင်း
(ပြည်တွင်း ပြည်ပက ဒီလို မြင်းဆိုး မြင်းယုတ်တွေ နဲ့ ချီတက်ဖို့ တွေးနေသလား)
No comments:
Post a Comment