သိမ်းထားသူတွေ ပျက်ကုန်လို့ ပြန်တင်ပါတယ် ။ မူရင်းဆရာ Myint Aung Kyaw အတွက် သီးသန့် ရေးထားတဲ့ ပို့စ် မရှိတော့လို့ ဖော်ပြနိုင်ခြင်း မပြုနိုင်တာ ခွင့်လွှတ်ပါဆရာ ။
ပြုံယမ်း မှ နေပြည်တော်၏ အနာဂါတ်သို့ ( ၁)
=========================
2004 ခုနှစ်၏
နိုင်ငံတော်အဆင့် မိတ်ဆုံစားပွဲ တခုတွင်
ဗိုလ်ချုပ်မှူးကြီး သန်းရွှေ နှင့် အတူ
တဝိုင်းထဲထိုင်၍ အတူစားသောက်နေသော
ဝန်ကြီး ၂ ပါးကတော့
ကျောက်ဆည်သား ငယ်သူချင်း ၂ ဦးဖြစ်သူ
ဆောက်လုပ်ရေးဝန်ကြီး ဗိုလ်ချုပ်စောထွန်း နဲ့
တံတားဦးမြို့နယ် ဥမင်ရွာသား
သိပ္ပံနှင့် နည်းပညာ ဝန်ကြီး ဦးသောင်း
တို့ ဖြစ်ပါတယ် ။
ဒီပွဲရဲ့ မင်းသားကြီး ဖြစ်သူ
သိပ္ပံနဲ့ နည်းပညာဝန်ကြီး ဦးသောင်းသည်ကား
ခေသူမဟုတ်ပါ ။
DSA 1 st batch ရဲ့
best cadet ပင် ဖြစ်ပါတော့တယ် ။
ထွေရာလေးပါးပြောနေရင်း
တပ်ချုပ်ကြီး ဦးသန်းရွှေက
"ကိုသောင်းရေ
အနုမြူလက်နက်မရှိတဲ့ ဒို့နိုင်ငံကို
အနုမြူရှိတဲ့ကောင်တွေက ဗိုလ်ကျတယ်ကွ ။
ဒါကြောင့် ထန်းသီးလောက်ပဲဖြစ်ဖြစ် ရှိတဲ့
အနုမြူတလုံး လုပ်စမ်းကွာ"
ဆိုပြီး ရုတ်တရက်ပြောလိုက်ပါတယ် ။
ရုတ်တရက် ဒီလို ကောက်ခါငင်ခါ ပြောလိုက်တော့ ဦးသောင်းလည်း
သောက်စားနေတဲ့ ဝိုင်းဖြစ်နေရကား
ဗ်ုလ်ချုပ်မှူးကြီး အသောက်များပြီး
ပြောသလား ဆိုကာ ပုလင်းကိုကြည့်မိတော့လည်း အရာသိပ်မယွင်းသေးကြောင်း တွေ့ရပါတယ် ။ ( ဦးသန်းရွှေဟာ အရက်လုံးဝ မသောက်ဖူးလို့လည်း ကြားဖူးပါတယ် )
ငယ် သူငယ်ချင်းတွေ ဆုံမိတဲ့ ဝိုင်းမှာ
ရီစရာ ပြောတာလား ဘာလား
ခွဲခြားမရတဲ့ ဦးသောင်း အဖို့
ဒီစကားဟာ တကယ့်ကို
ဦးသန်းရွှေရင်ထဲက လာတဲ့ စကားဆိုတာ
မကြာခင်မှာပဲ သိလိုက်ရပါတော့တယ် ။
အဲဒီ စကားဝိုင်းပြောခဲ့တဲ့ စားပွဲအပြီးမှာ
မကြာလှပါဘူး
ပခုက္ကူခရိုင် မြိုင်မြို့နယ်ထဲက
နှမ်းစားကျင်း ဆိုတဲ့ အရပ်ဒေသက
တောင်ကြိုတောင်ကြားတွေထဲက ယာမြေတွေကို
လူစိမ်းတွေ ဝင်ထွက်လေ့လာနေပါပြီ ။
ထို့နောက် မြေစာရင်းတွေရုံးမှာ
အလုပ်ရှုပ်များနေတာ တွေ့ရပြီး
ရက်ပိုင်း အတွင်းမှာပဲ
အဆိုပါ တောင်ကြိုကြားက စိုက်ပျိုးနေတဲ့
ယာမြေတွေကို မြေသိမ်းမိန့် ထုတ်ပြန်ပြီး
တရားဝင် သိမ်းပစ်ပါတယ် ။
မူလစိုက်ပျိုးနေတဲ့ တောင်သူတွေကို
ထွက်ခွါသွားစေခဲ့ပါတယ်
( လယ်ယာမြေ လျှော်ကြေးပေး မပေး
မူလပို့စ် မှာ ရေးမထားပါ)
အဲဒီလို ဒေသခံတွေ
ထွက်ခွာသွားပြီးတဲ့ နောက်မှာတော့
အင်မတန်တောခေါင်လှတဲ့
နှမ်းစားကျင်းတောင်ကြားလေး ဆီသို့
ခေတ်မှီယန္တရားကြီးတွေ အစီးပေါင်းများစွာ ဟာ
ရုတ်ချည်း အုပ်စုလိုက် ရောက်လာကြပါတယ် ။
များပြား ကြီးမားလှတဲ့ ယန္တရား တွေဟာ
လမ်းတွေဖောက်တဲ့ သူကဖောက်
လျှပ်စစ်သွယ်တန်းမှုတွေ လုပ်သူကလုပ်
အဆောက်အဦးတွေ တည်ဆောက်သူက
တည်ဆောက်ကြနဲ့
ပန်းပျားခပ်အောင် များပြားလှတဲ့
ယန္တရားအင်အား လုပ်သားအင်အားတွေ နဲ့
လုပ်ကိုင်နေကြတာကို တွေ့ကြရပါတယ် ။
အဲဒီလောက် အင်အားကြီးနဲ့
ကြိုးစားလုပ်နေတဲ့ အဆောက်အဦးတွေဟာ
၂ နှစ်အကြာမှ ရုပ်လုံးပေါ်လာပါတယ် ။
ဒါကြောင့် စက်ရုံရဲ့ အရွယ်အစား နဲ့
အရေအတွက် ပမာဏကို ခန့်မှန်းကြည့်လို့ ရနိုင်ပါပြီ ။
ယန္တရားကြီးတွေ ပြန်လည်ဆုတ်ခွာသွားကြပေပြီ ။ အလုပ်သမားတွေလည်း ပြန်ကြလေပြီ ။
အဲဒီ တောင်ကြိုကြားနေရာမှာတော့
အမျိုးအမည်မသိရတဲ့ မည်သူမျှဝင်ခွင့်မရှိသော
တားမြစ်နယ်မြေ တခုနဲ့ စက်ရုံသစ်ကြီး ထီးထီးမားမား ကြီးကြီးထွားထွား ပေါ်ထွက်ခဲ့ရချေပါပြီ
သိုသိပ်ပိရိစွာ တည်ဆောက်ထားတဲ့
စက်ရုံကြီး အကြောင်းကို
2009 မှာ တစွန်းတစ သိခွင့်ရလိုက်တဲ့
ကမ္ဘာ့သတင်းလောက လှုပ်ခတ်သွားတဲ့
သတင်းတပုဒ်အဖြစ် ထွက်ပေါ်လာခဲ့ရပါတယ် ။
သတင်းဇစ်မြစ်ကတော့
2009 ခုနှစ်မှာ အမေရိကန် နိုင်ငံကို ခိုလှုံသွားတဲ့
တပ်မတော်အင်ဂျင်နီယာ ဗိုလ်မှူးစိုင်းသိန်းဝင်း ဆိုတဲ့
ပြည်တွင်းသစ္စာဖောက်ဆီက
သတင်း နဲ့ ဓာတ်ပုံတွေကြောင့်ပါပဲ ။
စက်ရုံအတွင်းပိုင်းမှာ ကိုရီးယားစာတွေ နဲ့
ခေတ်မှီစက်ကရိယာ အစိတ်အပိုင်းတွေ
တွေ့မြင်ရပြီး ကမ္ဘာ့သတင်း ဖြစ်သွားရတာပါပဲ ။
ကျနော်တို့ အတိတ်ကို ပြန်သွားကြည့်ရပါအုံးမယ် ။ 2004 ခုနှစ်မှာ ဦးသန်းရွှေဟာ
ဦးခင်ညွှန့်ဦးဆောင်တဲ့ ထောက်လှမ်းရေးအဖွဲ့ကြီးကို ဖျက်သိမ်းလိုက်ပါတယ် ။
ထို့နောက် တပ်မတော်ထဲမှာရော
အစိုးရအဖွဲ့ထဲမှာပါ မိမိအား လုံးဝပြန်မလှန်ရဲသည့်
သစ္စာခံများကို ရာထူးများ တိုးပေးပြီး
အကြွင်းမဲ့ အာဏာရှင်စနစ် ပုံသွင်းပါတော့တယ် ။
ဦးသန်းရွှေဟာ မဟာမိတ်နိုင်ငံအဖြစ်
အမာခံအနေနဲ့ တရုတ်ကိုသာ
အားပြုပေါင်းသင်းနေရတဲ့ အခြေအနေကို
သေဘာမက်ပါဘူး ။
ကြာလေ တရုတ်တွေရဲ့
နိုင်ထက်စီးနင်း အခြေအနေက
ပိုဆိုးလာလေ ဖြစ်မယ်ဆိုတာကို
တွက်ဆနိုင်ခဲ့ပါတယ် ။
အဲဒါကြောင့် မိတ်ဖက်အသစ်ရှာပြီး
တရုတ်တနိုင်ငံတည်းအား အားပြုနေရတဲ့
အနေအထားကို ပြောင်းလဲပြီး
တရုတ်ရဲ့ အခန်းကဏ္ဍ ကို လျှော့ချနိုင်ဖို့
ကြိုးစားလာပါတယ် ။
အနောက်အုပ်စုရဲ့ ဖိအားနဲ့ ပြစ်တင်မှုတွေ
လျော့ချနိုင်စေရန် တရုတ်နဲ့ ခပ်ခွါခွါ ဆက်ဆံနိုင်ဖို့
မဟာဗျူဟာ ချမှတ်ပြီး
မဟာမိတ်အသစ် ရှာဖွေနေပါပြီ ။
အဲဒီမှာ အသင့်တော်ဆုံးလို့ ယူဆရတဲ့
မြောက်ကိုရီးယားကို ရွေးချယ်လိုက်ပါတယ် ။
မြောက်ကိုရီးယားဟာ
အာဏာရှင်စနစ်ကျင့်သုံးနေတဲ့နိုင်ငံဖြစ်ပါတယ် ။
လက်နက်နည်းပညာ ထွန်းကားတိုးတက်သလောက် စားနပ်ရိက္ခာရှားပါးလွန်းတဲ့ တိုင်းပြည်ပါပဲ ။
သူတို့က စားနပ်ရိက္ခာလိုအပ်တယ်။
မြန်မာတို့ကလည်း ဘက်စုံသုံးတိုက်ခိုက်ရေး
စစ်လက်နက်တွေ လိုအပ်နေတယ် ။
ဒါကြောင့် သူလိုတာ ကိုယ်ပေး
ကိုယ်လိုတာ သူပေးဆိုတဲ့ စနစ်နဲ့
နှစ်နိုင်ငံလုံး အဆင်ပြေမယ့် Win - Win ပေါ်လစီ
စတင်ပါတော့မယ် ။
ဒီနေရာမှာ မြောက်ကိုရီးယားရဲ့
အာဏာရှင်စနစ် တည်တံ့ရေးအတွက်
လုပ်ဆောင်ချက်တွေကို ကြည့်ပါ ။
1948 မှာ လွတ်လပ်ရေးရခဲ့တဲ့
မြောက်ကိုးရီးယားဟာ
မာ့က်စ် လီနင် ဝါဒကို ကျင့်သုံးပါတယ်။
ကင်အီဆွန်းဟာ ပါတီဥက္ကဌ ၊ နိုင်ငံတော်အကြီးအကဲ
ကာကွယ်ရေးကော်မရှင် အဓိပတိ စတဲ့
ရာထူးတွေ နဲ့ အာဏာရာသက်ပန်ရယူဖို့
ခြေ / ဥ ရေးဆွဲထားပါတယ် ။
အဲဒီခြေ / ဥ ကတော့ ဂျူချီ ( Juche) လို့
ခေါ်ပါတယ် ။
အခန်း ၇ ခန်းပါဝင်ပြီး
ပုဒ်မ ၆၉ ခု ပါတဲ့ ဒီခြေ / ဥ ကို
1992 မှ 2019 ထိ ၈ ကြိမ် ပြင်ဆင်ထားပါတယ် ။ ဒီခြေ / ဥ ကြောင့်ပဲ
ကင်အီဆွန်းရဲ့ မျိုးဆက်တွေပဲ
တဦးတည်းသော အာဏာရှင်အဖြစ်
ယနေ့တိုင် ချုပ်ကိုင်ထားနိုင်တာ ဖြစ်ပါတယ် ။
နောက် ကိုရီးယား ၂ နိုင်ငံနဲ့ ဂျပန်တို့ဟာ
နိုင်ငံရေး တည်ငြိမ်တာ တွေ့ရပါမယ် ။
လေ့လာသူများရဲ့ အဆိုအရ နိုင်ငံရေးတည်ငြိမ်တာ ဘာသာရေး ပဋိပက္ခ မရှိလို့ဆိုပြီး ပြောပါတယ် ။
သူတို့ရဲ့ ဘာသာရေးကိုးကွယ်မှုက
ဘာသာမဲ့ 60 % နဲ့
Koream shamanism 16 %: ရှိပြီး
ကျန်ဘာသာဝင်ဘအနည်းငယ် နဲ့
မွှတ် မရှိသလောက် နည်းပါသတဲ့ ။
အဲဒါကြောင့် နိုင်ငံရေး တည်ငြိမ်သတဲ့
လေ့လာကြည့်ပါ ။
2004 ညစာ စားပွဲမှာ
ထန်းသီးလုံးလောက် အနုမြူစိတ်ကူးယဉ်ပြတာဟာ တိုင်းပြည်အတွက် ပါသလို
သူ့အတွက် ပုဂ္ဂိုလ်ရေး လိုအပ်ချက်လည်း
ပါတယ်လို့ ဆိုကြပါတယ် ။
အဲဒါကတော့ ဘာလဲ ဆိုတော့
ဦးသန်းရွှေရဲ့ အိပ်မပျော်ဖြစ်ခဲ့ရတဲ့
အတိတ်က လုပ်ရပ်အကြောင်း နဲ့
ဆက်နွယ်နေပါတယ် ။
ဦးသန်းရွှေ အတွက်
အတိတ်ရဲ့ အရိပ်မည်းက ဘာတွေလည်း ဆိုတော့ ....
(တဆက်တည်း ဖတ်ကြည့်လျှင် ပိုမိုပြည့်စုံပြီး ဒီအကောင့်မှာ မဖတ်ဖူးတဲ့ မိတ်ဆွေတွေ ရှိနေလို့ ပြန်တင်ပေးလိုက်ပါတယ် ။ ဖတ်ဖူးသူများ သည်းခံပေးပါ ခင်ဗျာ တပ်မတော်အပေါ် ချစ်ခင်နားလည်လာသူ တဦးတယောက် တိုးပွါးလာလျှင်လည်း အမြတ်ဟု သဘောထား၍ တင်ခွင့်ပြုပါ ဗျာ )
မျိုးဝင်း
No comments:
Post a Comment