သတင်း တည်းဖြတ်ခြင်း နှင့် အကဲခတ်ခြင်း. =====================

              အမှန်တိုင်းပြောရရင်တော့ ကျနော်က fb သုံးရတာ အဆင်မပြေလို့ တယ်လီဖက် ကူးလာတာပါ ။ နောက်ပြီး ပြင်ပလောကနဲ့ ၂ နှစ်နီးပါး ကင်းကွာနေလို့ ဘယ်သူက ဘာဆိုတာလည်း မသိခဲ့ရပါဘူး ။

                 fri တယောက်က ကိုမျိုး ဒီချယ်နယ်တွေ join ထားပါဆိုပြီး ပေးလို့သာ အဲဒီချယ်နယ်တွေနဲ့ join ပြီး ဖတ်နေရတဲ့ အဆင့်ပါပဲ ။ ဒီနေရာမှာ ဟိုဘက် ဒီဘက် ၂ ဖက်လုံးက ဖတ်သင့်တဲ့ ချယ်နယ်အတော်များများ ပါ ပါတယ် ။ အနီဆိုသူတွေရဲ့ ချယ်နယ်တွေက ဆိုက်ဝါးတွေကို ဖတ်ရတာ ရှင်းပါတယ် ။

               သို့သော် ပူးသတ်လိုလို စိမ်းဖျော့ဖျော့ ချယ်နယ်တွေကြတော့ အကဲခတ်ရ ခက်ခဲပါတယ် ။ မိမိဖက်ကနေ စိတ်ဓာတ်ကျပြီး ဘာလာလာ ဆဲမယ်ဆိုတဲ့ ဆိုက်ဝါးကျည် မှန်ထားတဲ့သူတွေ ၊ တပ်မတော်အပေါ် ယုံကြည်မှု ပျက်ပြားနေပြီး ဘာရေးရေး မယုံဘူး ဆိုတဲ့ အကန်မန့်တွေနဲ့ ဟိုဖက်လည်း အားမကိုးရဲ ဒီဖက်လည်း မယုံကြည်ရဲတဲ့ မိတ်ဆွေတွေ အများအပြား မြင်ကြရပါတယ် ။

            အဲလိုထဲကနေ တပ်မတော် ဘာလုပ်လုပ် မှန်တယ်ဆိုတဲ့ ပုဂ္ဂိုလ်များကိုတော့ ဘယ်ပြည်သူကမှကို လှည့်မကြည့်တော့တာလဲ အမှန်တရားပါပဲ ။ ကိုယ့်အုပ်စုနဲ့ကိုယ် သာယာနေရုံမှ တပါး ပြည်သူအများစုက လက်မခံကြပါဘူး ။

              ဒါတွေက တယ်လီမီဒီယာ စစ်မြေပြင်က လက်ရှိအနေအထားတွေ ပါပဲ ။ ဒီထဲက အင်မတန် အန္တရာယ်ကြီးတဲ့ ချယ်နယ်ကတော့ သူ့လူ ကိုယ့်ဖက်သား '' ကြီးအာပလာ '' ဆိုတဲ့ ချယ်နယ်ပါပဲ ။

         ရေးလိုက်ရင်တော့ '' ဖခင် ဖခင် '' နဲ့ ယခင်က '' မင်းသားကြီး '' ကိုတောင် သတိရမိသေး ။ သူရေးနေတာ အကဲခတ်ကြည့်ပါ ။ တောင်ခမ်း ကျနေတာ နေ့တိုင်းပဲ ဗျ ။ တောင်ကြီးကို တိုက်တော့မယ် က ၂ ရက်တခါ ။ ပြင်ဦးလွင်က တပ်မိသားစုတွေ ပြေးနေတာက ၃ ရက်တခါ ။

           ဗထူးရပ်စောက် နဲ့ ပြင်ဦးလွင် မန္တလေးကို ထိုးစစ်ဆင်ဖို့ ရန်သူတွေ အလုံးအရင်း နဲ့ တပ်ရွေ့နေတာ နေ့စဥ်ရက်ဆက် ။ မိမိရဲ့ တပ်မတော်အရာရှိတွေထဲက ဖရဲသီးတွေ ၊ လုပ်ကြံမယ့်သူတွေ အမည်စာရင်းတင်ပြီး လိမ်ညာနေတာ နာရီနဲ့ အမျှ ။

             တပ်ဖက်က ရေးသားနေတဲ့ ချယ်နယ်သတင်းတွေ မှားကြောင်း ၊ ဘညွှန့် ကျော်စွာ ၊ တောင်ပေါ်ပေတိုး ၊ ခြေလျှင်စစ်သည် ဗိုလ်စော အစရှိတဲ့ သူတွေရဲ့ သတင်းတွေ မှားကြောင်း ပြောရတာက မိနစ်တိုင်းပဲ ။

          မိမိဖက်က သတင်းရေးရင်လည်း ရန်သူကို သတင်းပေးသလို ရေးတတ်တာတွေ သတိထားကြည့်ရင် သိနိုင်ပါတယ် ။

         အမှန် ၃၀ % လောက်ကို ရောပြီး ရေးနေတာပါ ။ သတိထားပြီး လေ့လာဖို့ လိုတဲ့ အန္တရာယ်များသူဖြစ်ပါတယ် ။ 4C တို့လို ရန်သူက သိသာတယ် ကြီးအာပလာ လို ရန်သူက အတော်ချင့်ချိန် သုံးသပ်ရတဲ့ ရန်သူပါ ။

            တပ်မတော်ဖက် ပြုပြင်ပြောင်းလဲမှုတွေ ကြိုတင်ပြင်ဆင်မှုတွေကို အချိန်ယူဆောင်ရွက်နေရခြင်း ၊ မိမိစစ်ကြောင်း လှုပ်ရှားမှု ၊ ဦးတည်မှု နဲ့ ရန်သူကျဆုံးမှုတွေကို တရားဝင် သတင်းထုတ်ခြင်းပြုရန် အချိန်မကျသေးခြင်းတို့အပေါ် အခွင့်ကောင်းယူပြီး ဆိုက်ဝါးထည့်နေတာပါ ။

               လားရှိုးကျပြီးနောက် တပ်မတော်အပေါ် ယုံကြည်မှု ပျက်ပြားနေချိန်မှာ မိမိတို့ မီဒီယာသမားများက ရတတ်သရွေ့ သတင်းတွေ ရေးနေကြတာကို ကြီးအာပလာ က ပြည်သူတွေ တပ်မတော်အပေါ် ယုံကြည်အားကိုးလာကြမှာ စိုးရိမ်နေပါတယ် ။

          အဲဒါကြောင့် မျိုးချစ်မီဒီယာတွေ လိမ်နေကြောင်း ၊ တပ်မတော်က ဘယ်လောက် ရှုံးနေကြောင်း ၊ ဘယ်မြို့ ဘယ်ရွာတွေ အတိုက်ခံရနိုင်ကြောင်း အစရှိသဖြင့် ဝါဒ ဖြန့်နေတဲ့ ချယ်နယ် ဖြစ်တယ်လို့ ပြောချင်ပါတယ် ။

       နိဂုံးချုပ်ပြောချင်တာက အဲလို တဖက်က ထူထူရော ပါးပါးကော ထည့်နေတဲ့ ဂျင်းတွေ စားပြီး ကိုယ့်ရောဂါကိုယ်ရှာ ကိုယ့်ဘာသာ စိတ်ဆင်းရဲနေကြရင်လည်း ကိုယ့်ထိုက်နဲ့ ကိုယ့်ကံပါပဲ ဗျာ ။

         စိတ်ဆင်းရဲခြင်း သတင်းအသီးအရွက်တွေစားပြီး မျှော်လင့်ချက်တွေ လွတ်ချထားရင်တော့ ဘယ်ဆေးထိုးထိုး တိုးမှာ မဟုတ်တော့ပါဘူးလို့ တင်ပြလိုက်ခြင်ပါတယ် ။

        ကိုရွှေမျိုးဝင်း

သတင်းတွေကြောင့် ရူးတဲ့သူ ပိုများနေပြီလေ 😁😁😁😁